Hünkarım

Sultan Əbdülhəmidin dostu və sirdaşı Tahsin Paşanın romanı – “Hünkarım”. Türkiyədə və dünyada böyük maraqla izlənilən “Payitaht” serialının Tahsin Paşası – Bahadır Yenişehirlioğlu, Tahsin Paşanın unudulmuş həyatını romanlaşdırıb. Osmanlı İmperiyası ölüm-qalım savaşı içindədir. Daxili və xarici qüvvələrin tək bir məqsədi var – Ulu Hakan Əbdülhəmidi devirmək. Sultan Əbdülhəmidin ətrafında etibar edə biləcəyi bir nəfər belə yoxdur – ta ki Tahsin Paşanı tapana qədər. Tahsin Paşa – sevgi və səmimiyyəti anlayan, dövlətinə və Hünkarına sonsuz sədaqətlə bağlı, yaxşı təhsil və ailə tərbiyəsi görmüş bir dövlət adamıdır. Hünkarın Tahsinə olan sonsuz etimadı, Tahsinin isə Hünkarına olan sınırsız sədaqəti... və hər kəsi qısqandıran bir dostluq, sirdaşlıq, qardaşlıq münasibəti. Osmanlı Bankı basqını, Yıldız sui-qəsdi, Sionistlərin məqsədləri istiqamətində qurulan planlar, 31 Mart hadisələrinə aparan günlər və bu iki vətənpərvərin dövlətin və millətin gələcəyi naminə apardığı qəhrəmanlıq dolu mübarizə... Ardınca gələn kədərli illər: İttihatçıların qələbəsi, ölüm və ağrılarla dolu üsyanlar, sürgün, sevdiklərinin itkisi, yoxsulluq, müharibələr, dövlətin süqutu və yeni Cümhuriyyətin yaranması... Bütün bunları ləyaqətlə yaşayan Tahsin Paşa. B.Yenişehirlioğlu bu nəcib ömür hekayəsini Tahsin Paşanın öz baxış bucağından günümüzə çatdırır. “Hünkarım” axıcı dili və ustalıqla qurulmuş süjeti ilə Tahsin Paşanın şəxsi həyatını və siyasi mübarizəsini bütün reallığı ilə oxuculara təqdim edir.